Ерөнхийлөгч Х.Баттулга Төрийн шагналт, хөгжмийн зохиолч Б.Шаравыг хүлээн авч уулзлаа

Ерөнхийлөгч Х.Баттулга Төрийн шагналт, хөгжмийн зохиолч Б.Шаравыг хүлээн авч уулзлаа

Өнөөдөр Монгол Улсын Ерөнхийлөгч Х.Баттулга Чингис хааны одонт, Төрийн шагналт хөгжмийн зохиолч Б.Шаравыг хүлээн авч уулзаж, уран бүтээлийнх нь талаар ярилцав.

Түүний 1987 онд зохиосон алдарт хоёрдугаар симфони нь "Сонгодог хөгжмийн Олон улсын гуравдугаар их наадам”-ын үеэр Д.Д.Шостаковичийн нэрэмжит Ленинградын Филармонийн тайзнаа 1988 оны тавдугаар сарын 22-нд эгшиглэсний 30 жилийн ой өнөөдөр тохиож буй аж. Тиймээс энэ өдөр ДБЭТ-ын тайзнаа уг алдарт симфони эгшиглэх юм байна.

Уулзалтын үеэр Монгол Улсын Ерөнхийлөгч Х.Баттулга түүний энэхүү алдарт Хоёрдугаар симфонийг тоглож байгаа ямар нэгэн дүрс бичлэг үлдээгүйд анхаарлаа хандуулж, дүрст архив үлдээх асуудалд туслахаа илэрхийлэв.

Чингис хааны одонт, Төрийн шагналт хөгжмийн зохиолч Б.Шарав "Хөгжим бол агуулга, Хоёрдугаар симфонийг бичихдээ Нууц товчоо, Чингис хааны тэр аугаа хүчийг илэрхийлэхийг хүссэн” хэмээн онцоллоо. Мөн энэ бүтээлээ дүрсжүүлж, хүүхэд залууст хүргэх хүсэлтэй явдгаа хэлээд өнөөдөр 19 цагт болох өөрийн уран бүтээлийн тоглолтдоо Монгол Улсын Ерөнхийлөгчийг урив.

Эх сурвалж: Мэдээ.мн

Хуваалцах:

Сэтгэгдэл

reload, if the code cannot be seen