Эгшиглэнт яруу найрагч Л.ГАНЗУЛ-ын "МАРАЛ БУУСАН ШӨНӨ" хүндэтгэлийн дурсамж тоглолт болно

Цэл залуухан ахын минь уран бүтээлийн тоглолт болох нь ээ. Уран бүтээлийн томоохон тайлан тавина гэж гэргий хүүхэддээ, найз нөхдөдөө, хамт олондоо ярьж явсныг нь хэн хүнгүй мэднэ дээ. Ялдам сайхан найрагчийн маань дурсамж сэдрээсэн тоглолт мөн чиг тунгалаг болно гэдэгт итгэж байна.

Эгшиглэнт яруу найрагч ЛХАМСҮРЭНЖАВЫН ГАНЗУЛ-ын "МАРАЛ БУУСАН ШӨНӨ" хүндэтгэлийн дурсамж тоглолт 2019.01.25-ны 19.00 цагт 
"UB PALACE"-ын концертын их танхимд болох гэж байна . 
Энэ эрхэмсэг билиг авьяастны шүлгээр бүтсэн :
" Жиндээх салхигүй хорвоо "
" Тоодон багын нутаг "
" Цэгээн нуур "
" Төгөлдөр гоо "
" Хайр гэдэг "
" Марал буусан шөнө " тэргүүт аялгуут ард түмний сэтгэл зүрхэнд гүн хоногшсон ХИТ бүтээлүүд эгшиглэхээс гадна , түүнд хайртай үзэг нэгт яруу найрагч анд нөхөд нь өөрсдийн шилдэг бүтээлийн дээжээс сэтгэлийн хадаг өргөнө .
Шүлэг яруу найраг , эгшигт дуунд хайртай , Монгол зон та бүхнийг сэтгэлийн хадгаа дэлгэн хүндэтгэн урьж байна.