Туркт үерийн улмаас 15 хүн амиа алджээ

Туркийн зүүн өмнөд хэсэгт үерийн улмаас 15 хүн амиа алдсан талаар тус улсын Дотоод хэргийн сайд Сулейман Сойлу мэдэгджээ. Үерийн үеэр Адыяман хотод хоёр хүн, Шанлыурфа хотод 13 хүн амиа алдсан байна. Сураггүй алга болсон таван хүнийг хайж байгаа аж.

Туркийн Хөдөө болон ойн аж ахуйн сайд Вахит Киришчийн мэдэгдсэнээр Туркт газар хөдлөлтийн улмаас учирсан хохирол ойролцоогоор 80 тэрбум ам.долларт хүрсэн байна. Газар хөдлөлтийн дараах эрж хайх-аврах ажиллагаа нь хамгийн том аврах ажиллагаа болжээ.