Э.Цэндбаатар, О.Тулга нарын сорил тоглолт ОРОН НУТАГТ болно
Гавьяат тамирчин Э.Цэндбаатарыг ёс зүйн хариуцлага алдсаны улмаас шигшээ багаас хасаж, ДАШТ-д оролцуулахгүй байх шийдвэрийг Монголын боксын холбооны Удирдах зөвлөлөөс гаргасан билээ. Үүн дараа Э.Цэндбаатар буруугаа хүлээн уучлалт гуйж, өөрт нь дахин нэг боломж олгох хүсэлтийг Монголын боксын холбоо болон МҮОХ-нд гаргасан.
Түүний хүсэлтийг өчигдөр (2021.09.17) Монголын боксын холбооны Удирдах зөвлөл хэлэлцээд, Э.Цэндбаатарыг хүсэлтийг харгалзан ДАШТ-ий өмнөх сорилт тоглолтод оролцуулах шийдвэр гаргасан юм.
Тэрбээр залуу тамирчин О.Тулгатай тулалдаж, ялсан нь ДАШТ-д эх орноо төлөөлөн оролцоно.
Сорил тоглолт аравдугаар сарын 3-нд Орхон аймгийн "Сэлэнгэ" баазад явагдах тов гарсан байна.
